90歲的伯伯在家中跌倒，按動平安鐘，消防救護人員到場破門而入，將伯伯救出。
問：「伯伯你叫咩名呀？」
答：「陳大文呀！」
問：「點跌倒㗎？」
答：「是咁的，我想去屙屎，之後⋯⋯（下刪一千字）」
問：「有無撞到頭呀？心口有無痛呀？」
答：「無呀！鬼打咁精神！」
問：「呀係喇伯伯，你同邊個一齊住？」
答：「陳大文囉！」
問：「阿伯，我唔係問你叫咩名，我問你同邊個一齊住呀！」
答：「咪話係陳大文囉！」
問：「阿伯，咁你叫咩名呀？」
答：「陳大文。」
問：「伯伯，你玩我咩！」
答：「我講真嫁！」
我突然間恍然大悟——「哦！阿伯你係自己一個人住嘅！鬼馬呀你！玩醫生！」
阿伯笑咪咪道：「嘻嘻！係呀！開心啲，長命啲丫嘛！」
Search